మూడు రోజుల క్రితం ఆసిఫాబాద్ లో కొందరు మావోయిస్టులను పోలీసులు అదుపులోకి తీసుకున్నారనే వార్తలు మీడియాలో వచ్చాయి. అయితే వారిలో ఎవరైనా నాయకులు ఉన్నారా? తెలంగాణ కేడర్ ఉన్నారా? మొత్తం ఛత్తీస్గఢ్ వాళ్లేనా? వంటి విషయాలు వెలుగులోకి రాలేదు.
అయితే, ఆ సస్పెన్స్ ఈరోజు వీడనుంది. మధ్యాహ్నం 2.30 గంటలకు హైద్రాబాద్ లోని డీజీపీ కార్యాలయంలోని టెన్నిస్ కోర్టులో మీడియా సమావేశం నిర్వహించనున్నట్టు పోలీసులు ప్రకటించారు. మావోయిస్టుల లొంగుబాటును లేదంటే అరెస్ట్ ను చూపించడానికే ఈ సమావేశం ఏర్పాటు చేశారని తెలుస్తోంది.
అదుపులో ఉన్న మావోయిస్టులలో తెలంగాణ రాష్ట్ర కమిటీ కార్యదర్శి బడే చొక్కా రావు అలియాస్ దామోదర్ ఉన్నట్లు వార్తలు వచ్చాయి కనుక ఈ ప్రెస్ మీట్ పై సర్వత్రా ఆసక్తి నెలకొంది.
